Stephan Balkenhol

Stephan Balkenhol
Irudi gehiago
Bizitza
Jaiotza	Fritzlar, 1957ko otsailaren 10a (67 urte)
Herrialdea	Alemania
Familia
Anai-arrebak	ikusi Thomas Balkenhol (en) Bernhard Balkenhol (en)
Hezkuntza
Hizkuntzak	alemana
Ikaslea(k)	ikusi Melanie Wiora
Jarduerak
Jarduerak	eskultorea, unibertsitateko irakaslea, argazkilaria eta artista bisuala
Enplegatzailea(k)	Academy of Fine Arts, Karlsruhe (en)
Genero artistikoa	margolaria eskultorea

Stephan Balkenhol (Fritzlar, Hesse, Alemaniako Errepublika Federala, 1957ko otsailaren 10a) alemaniar eskultorea da.

Biografia

Hanburgoko Arte Ederretako Eskolan egin zituen ikasketak, Ulrich Rückriemen lantegian. Ikasketak amaitu ondoren, lantegi horretako laguntzaile izan zen (1979-1982).

1980ko hamarraldiaren hasieran, eskultura izoztuak osatu zituen, beirazko objektuekin. Zurezko lehenengo eskulturak 1982an egin zituen, eta, handik aurrera, zura izango zen Balkenholen gai maitatuena. Eskultura horiekin antolatu zuen, hain zuzen, 1984an erakusketa bat Löhrl galerian, Mönchengladbachen.

1990eko hamarraldian hasi zen ospetsu izaten, eta Europako eta Estatu Batuetako hainbat museo eta galeriatan antolatu zituen erakusketak. Ordu arteko lanak gizon eta emakumeen eskulturak ziren, jarrera askotan (zutik, eserita, taldean). Kolore biziz janzten zituen batzuetan; beste batzuetan, berriz, ilea eta ahoa besterik ez zien koloreztatzen. 1990eko hamarraldiaren hasieran, animalien irudietara jo zuen Balkenholek. Animaliak bakarka (lehoia, sugea) edo taldean —"Sei hartz" (1991) eta "57 pinguino" (1991)— erakusten zituen. Zenbaitetan, gizakiak eta animaliak batera erakusten ditu. Balkenholen eskulturek gaur egungo pertsonaiak adierazten dituzte, espresiorik gabeak, jarrera hieratikoan.

Erreferentziak

Wikimedia Commonsen badira fitxategi gehiago, gai hau dutenak: Stephan Balkenhol

• Datuak: Q517388
• Multimedia: Stephan Balkenhol / Q517388