Rufino Arregi

Rufino Arregi
Bizitza
Jaiotza	Idiazabal, 1889ko irailaren 29a
Herrialdea	Gipuzkoa, Euskal Herria
Heriotza	Buenos Aires, 1968ko maiatzaren 14a (78 urte)
Jarduerak
Jarduerak	kazetaria
Kidetza	Laurak Bat

Rufino Arregi Imaz "Errupin" (Idiazabal, Gipuzkoa, 1889ko irailaren 29a - Buenos Aires, Argentina, 1968ko maiatzaren 14a) kazetari eta euskaltzalea izan zen.

Idiazabalen jaio zen eta Argentirana joan zen 1904 urte inguruan. 1924an Euzko Alderdi Jeltzalearen filial gisa Argentinan sortutako Argentinako Euzko Ekintza erakundearen sortzaileetako bat izan zen, eta erakunde honetako lehen zuzendaritza batzordeko bokala. 1947 - 1949 urteen artean lehendakari izan zen. ^[1]

1944an Euskaltzaleak elkartearen sorreran parte hartu zuen eta elkarteko diruzain izan zen^[2].

Kazetaritza

Guatemalan argitaratzen zen «Euzko-gogoa» aldizkarirako Argentinako korrespontsala izendatu zuen Jokin Zaitegik. «Euzko-Deya» -n ere idatzi zituen artikuloak^[3].

Euskara irakasle

Argentinako Laurak Bat elkarteko kidea izan zen, eta euskara eskolak eman zituen bertan. Ipuin kontaketa eta kantuen bidez euskara erakusten lehena izan zen Laurak Bat elkartean, Euskal Herrian Isaac Lopez Mendizabalen hasitako formula jarraituz^[4] .

Argentinako Euskaltzaleak elkarteak antolatutako mundu mailako euskarazko eskutiz txapelketan, bigarren postua irabazi zuen.

Erreferentziak

↑ (Gaztelaniaz) Arza, Antonio. (2003). «Acción vasca de la Argentina» VIIIème Congrès d’Etudes Basques = Eusko Ikaskuntzaren VIII. Kongresua = VIII Congreso de Estudios Vascos (Donostia: Eusko Ikaskuntza): 101-104. ISBN 84-8419-932-0..
↑ González Allende, Iker. (2016). El exilio vasco: estudios en homenaje al profesor José Ángel Ascunce Arrieta. Universidad de Deusto ISBN 978-84-15759-92-8. (Noiz kontsultatua: 2024-06-11).
↑ «ARREGUI, Rufino - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2020-03-25).
↑ Ezkerro, Mikel. (2003). Historia del Laurak Bat de Buenos Aires. usko Jaurlaritzaren Argitalpen Zerbitzu Nagusia = Servicio Central de Publicaciones del Gobierno Vasco.