Poliuretano

Poliuretano
Irudi gehiago
Mota	polimero eta Plastiko
Identifikatzaileak
CAS zenbakia	68400-67-9
EC zenbakia	614-443-8
ECHA	100.116.701
MeSH	D011140

Poliuretanoa diisozianato baten eta alkohol dihidroxiliko baten arteko kondentsazio-erreakzioz lortzen den polimero termoplastikoa da. Tolueno diisozianatoa etilen glikolarekin erreakzionaraziz lor daiteke, adibidez; poliuretanoaren bereizgarria da molekularen egituran -NHCOO- taldea izatea.

Polimeroa eratzeko gertatzen den erreakzio orokorra honela adieraz daiteke: R₁NCO + R₂OH → R₁NHCOOR₂.

Era askotara lortzen da: zuntz-, apar- edo elastomero-eran, etab. Denak sukoiak dira. Poliuretanozko zuntzek elastikotasun handia eta erresistentzia elektriko ona dute eta iragazgaitzak dira. Poliuretanozko aparrak malguak edo zurrunak izan daitezke, dentsitate txikia dute eta haien propietate nagusia da isolatzaile onak izatea; besaulkiak, koltxoiak, hodien isolatzaileak, tapizak eta abar egiteko erabiltzen dira apar malguak, eta zurrunak, berriz, besaulkiak, autoen osagaiak, isolatzaileak, itsasontziak, kamioi hozkailuak, ontziak-eta egiteko.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Autoritate kontrola	Wikimedia proiektuak Datuak: Q146322 Multimedia: Polyurethane foam / Q146322 Identifikadoreak GND: 4175327-6 LCCN: sh85104740 NDL: 00569158 NKC: ph386361 AAT: 300014495 Hiztegiak eta entziklopediak Britannica: url Medikuntzako identifikadoreak MeSH: D011140 Kimikako identifikadoreak CAS erregistro zenbakia: 68400-67-9 Biologiako identifikadoreak MGI: 68400-67-9

Autoritate kontrola